Gjiganti i rrjeteve sociale Meta pësoi një humbje të madhe ligjore këtë të mërkurë, e cila mund të ndikojë negativisht në politikën e reklamave për Facebook dhe Instagram.
Mediat e huaja bëjnë me dije se BE ka gjobitur Meta pasi zbuluan se përmes marrëveshjeve të veçanta njerëzit detyroheshin të pranonin reklama të personalizuara.
Sipas vendimit të gjykatës, gjoba e vendosur nga BE ndaj kompanisë Meta arrin në 390 milionë euro. Përveç kësaj, është e mundur, siç raportojnë rrjetet ndërkombëtare që Meta të detyrohet të bëjë ndryshime të kushtueshme.
Vendimi shihet si një nga më të rëndësishmit që kur blloku 27-anëtarësh i Evropës miratoi legjislacionin që synon të kufizojë aksesin e Facebook dhe kompanive të tjera në mbledhjen e informacionit personal. Ligji hyri në fuqi në vitin 2018.
Arsyetimi i vendimit mbi të cilin u bazua gjoba ka të bëjë nëse është ligjërisht e lejueshme që platforma sociale të mbledhë informacione për reklama të personalizuara.
