Një çift dhe dy fëmijët e tyre i kanë mbijetuar mrekullisht aksidentit me makinë, pasi u rrëzuan për rreth 75 metra në një greminë në Kaliforni.
Ishin shoferët e tjerë ata që njoftuan policinë, duke thënë se kishin parë një makinë model “Tesla” të dilte nga rruga duke përfunduar buzë detit në vendin e quajtur si Rrëpira e Djallit. Por kur ekipet e emergjencës mbërritën në vendngjarje nuk e prisnin t’i gjenin me shenja jete.
“Ne vijmë shpesh këtu, nuk është hera e parë që ndodhin aksidente në këtë pjesë të rrugës. Megjithatë rrallë herë ndodh diçka si kjo. Është thjeshtë një mrekulli”, tha një nga punonjësit e kërkim-shpëtimit.
Autoritetet thanë se në makinë ishte një burrë, një grua me dëmtime kritike, si dhe dy fëmijë një djalë 9-vjeç dhe një vajzë 4-vjeçe. Fëmijët ishin në pjesën e pasme të makinës dhe pësuan dëmtime por ndodhen në gjendje të qëndrueshme. “Ulëset e fëmijëve me siguri e kanë bërë punën e tyre siç duhet”, u shpreh një punonjës i ndihmës së parë.
Sherifi i Qarkut të San Mateo tha se burri është vënë nën arrest.
“Bazuar në provat e mbledhura, hetuesit hetuesit kanë arritur në konkluzionin se ky ishte një aksident i qëllimshëm”, thanë autoritetet. Motivet që e çuan burrin të hidhet së bashku me gruan dhe dy fëmijët në greminë nuk dihen ende.
Fillimisht u besua se shkak i aksidentit mund të ishte bërë opsioni “autopilot” i makinës elektrike.
