Gjykata e Apelit të Posaçëm ka dhënë masën arrest me burg për pesë të akuzuarit për laboratorin e kokainës i cili u zbulua më 24 nëntor në Frakull të Fierit.
Enxhi Ferhati, Bledar Matoshi, Klajdi Matoshi, Redin Meshi dhe Julian Malaj, do të vijojmë të qëndrojnë pas qelive.
5 nga të akuzuarit që u lanë në burg nga apeli i GJKKO-së, kanë kërkuar masë më të butë sigurie ose atë të burgut me afat deri në daljen e përgjigjeve të analizave, pasi para trupës gjykuese janë shprehur se nuk kanë qenë në dijeni për kokainën.
Referuar kërkesës së tyre për ndryshim mase thuhet se te pandehurit nuk kanë pasur informacion se plehu ishte përzier me kokainë, kjo referuar edhe letrave të zhdoganimit.
Mirëpo, SPAK ka paraqitur si prova përgjime dhe pamje filmike që bindën Gjykatën të miratoj shkallën e parë dhe të hedhë poshtë ankimimin e të akuzuarëve.
Më 24 nëntor të vitit 2022 u kapën 430 kg kokainë gjatë një operacioni të SPAK në fshatin Frakull e Madhe të Fierit. Droga ishte tretur në thasë me pleh kimik, me një ngarkesë totale 24 ton bashkë me kokainën që do veçohej në një laborator në Shqipëri.
Në pranga ranë ish-kryetari i Komunës Frakull Viktor Çervanaku, në shtëpinë e të cilit u gjetën thasët me pleh dhe kokainë.
Po ashtu, të arrestuar janë dhe djali i tij Denilson Çervanaku dhe e fejuara e tij, Enxhi Ferhati.
