Dihet se kur nisesh, por jo kur mund të arrish. Kjo është shprehja që gjen shumë vend në realitetin tonë kur bëhet fjalë për trafikun. Në ditët e fundit të vitit dhe në fillim të këtij viti të ri trafiku është kthyer në makth për qytetarët.
Pikat e zeza janë disa, por problemet kryesore shfaqen kur udhëton drejt Elbasanit dhe juglindjes. Autostrada që të çon drejt Elbasanit kthehet në “hinkë” në momentin që arrin në Bradashesh. Radhët e gjata dhe trafiku i rënduar të merr mbi dy orë është nga Bradasheshi deri në dalje të Elbasanit te ura e Lizës.
Është e çuditshme në fakt, ashtu si cdo gjë në Shqipëri, që ARRSH investohet për shumë projekte që mund të jenë edhe dytësore, por këtë “hinkë” në Elbasan nuk e ka zgjidhur si ngërç që krijohet sa herë ka fluks. Përpos autostradës Tiranë-Durrës një tjetër aks me probleme është edhe Laç-Fushë Krujë, pa harruar shumë të tjerë.
