Të dënuarit shqiptarë në burgjet britanike do të dërgohen në shtëpi për të vuajtur dënimin e tyre, si në një gjest i vullnetit të mirë për Vitin e Ri nga qeveria e Tiranës, shkroi dje media britanike “Daily Mail”. 50 të dënuar kanë dalë vullnetarë të transferohen.
Në bazë të marrëveshjes së re, transfertat e para të të dënuarve shqiptarë do të fillojnë në ditët e janarit. Dhjetë burrat e parë pritet të deportohen me avion çarter.
Shqiptarët që vuajnë dënimet më të gjata në burg në Angli përfshijnë dy vrasës dhe tre mbretër të drogës, të cilët aktualisht janë duke vuajtur një total prej 143 vitesh. Sipas mediave vendase, kostoja e tyre për të ardhurat publike është 6.8 milionë paund.
I pari është Koci Selamaj, 37 vjeç, që vuan dënimin më të gjatë mes 1,336 të burgosurve shqiptarë. Ai goditi Sabina Nessa-n ndërsa ajo ecte nëpër një park në Londër në shtator 2021 dhe më vonë u burgos për 36 vjet.
Një tjetër vrasës, Ali Qazimaj , 48 vjeç, nga Tilbury, Essex, u dënua me 35 vjet në 2017 për vrasjen e Peter Stuart, 75 vjeç, ndërsa gruaja e tij Sylvia, 69 vjeçe, nuk u gjet kurrë.
Mes mbretërve të drogës të burgosur janë Valjet Pepaj, 32 vjeç, me 27 vjet burg, Erald Mema, 37 vjeç, 25 vjet burg dhe Sami Qerkini, 57 vjeç, i dënuar me 20 vjet.
