Rreth 200 milionë amerikanë janë “goditur” nga një stuhi dimërore, ku të paktën 12 persona kanë humbur jetën përpara fundjavës së festave.
Më shumë se 1.5 milionë njerëz mbetën pa energji dhe mijëra fluturime u anuluan të premten. Stuhia e madhe shtrihet më shumë se 3.200 km nga Teksasi në Quebec.
Kanada, Ontario dhe Quebec janë më të goditurat nga cikloni bombë (kur presioni atmosferik bie). Temperaturat në Elk Park, Montana, ranë në -45C, ndërsa qyteti i Hell, Michigan, ka ngrirë.
Në Dakotën e Jugut, amerikanët vendas dogjën rrobat për t’u ngrohur. Reshje të dendura bore parashikohen në zonat e Pensilvanisë dhe Michigan.
Në Paqësorin Veriperëndimor, disa banorë bënë patina në akull në rrugët e ngrira në Seattle dhe Portland.
Më shumë se 5.600 fluturime në SHBA u anuluan të premten. Deri të premten në mbrëmje, një milion klientë nuk kishin energji elektrike në të gjithë SHBA-në.
