Deputeti demokrat Saimir Korreshi ka replikuar me ministren e Bujqësisë Frida Krifca pas miratimit në Kuvend të projekligjit për vreshtarinë dhe verën.
Korreshi ka akuzuar ministren për braktisjen dhe falimentimin e fermerëve, duke ngritur një sërë problematikash që sipas tij kanë fermerët, nga subvencionet te shfrytëzimi nga tregtarët duke abuzuar me çmimet dhe te shpenzimet e larta për plehrat kimike.
Pjesë nga fjala e Korreshit në Kuvend:
Që ligji të bëhet efiçent për të gjithë këta zotërinj, duhet me ndihmuar. Po ndajnë naftë dhe po e shesin vetëm anëtarët e partisë socialiste. Po s’ke naftë, hajde se të jap unë 1600 lekë tollona. Po të rrish pak në Lushnje i mëson këto. Para pak muajsh thashë që rrushi ka ngelur në arë, ngeli u tha u bë rrëke. Ta marrim për rrush të thatë? Në rregull, nëse ka qenë kjo prespektiva e qeverisë. Ata zotërinj atje nuk kanë më interes se vajti kilja e rrushit me 150 lekë të vjetra dhe nuk e blenin. Sepse tregu dhe tregtarët abuzojnë me fermerët. Bëjnë kartel me njëri tjetrin, i mbajnë gjithë natën, pa i dhënë mundësinë se s’ka krah pune. Është i vetmi që duhet ta vjelë, ta nxjerrë në treg dhe të rrijë atje si qen. Vjen rrushi nga jashtë më lirë, pse se subvencionohet. Kur ne kujtojmë të fusim amendament, heshtje varri. Pse?
A mendoni se e paguan tregtari atë 10%? Sa janë rritur plehrat kimike kohët e fundit. Le të ketë luftë dhe çfarëdo, a ka kosto te fermeri? Sigurisht që ka. Çfarë po bën si qeveri? Po vjen viti tjetër po kap vaji vajin. Është turp. Ne themi po bëjmë ligje. Unë s’kam flokë, ti thua do hapim parukeri. Instituti i bujqësisë në Lushnje, gjumë, mëngjes, drekë, darkë! Shkollën e mbyllën. I vetmi qytet që ka 60% të prodhimit shqiptar në të gjitha llojet, nuk ka një laborator, kategorinë e plehut ta dinë, se nuk e dinë çfarë i hedhin. Divjaka prodhon 3-4 herë në vit. Jo pjesa tjetër. Ju jepni rrogën kot, se kontrollon njeri. Fermeri, ai që i ka duart me gjak, që nuk ia zbardh dot as testi i enëve, se e përdorin 3 në 1, për të larë duart, enët dhe kokën. S’i ke dhënë lekë, rimbursim. 30 mijë lekë kuintal për blerje ulliri, me ta ble ullirin me 300 lekë.
