Nikollaq Lici dhe Nezir Islami janë arrestuar nga policia e Durrësit në flagrancë. Dy të moshuarit kishin vjedhur 8 persona në sportelin e spitalit të Durrësit.
Policia ka bërë me dije se ata kishin vjedhur shuma parash dhe celularë. Bëhet me dije se Liçi 65-vjeçar, është banues në Kuçovë dhe Islami, 64 vjeç është banues në Elbasan.
“Operacioni policor i koduar “Sporteli”, si rezultat i të cilit u arrestuan në flagrancë shtetasit:
– N. L., 65 vjeç, banues në Kuçovë dhe N. I., 64 vjeç, banues në Elbasan, të dy të dënuar më parë për vjedhje.
Nga veprimet hetimore për këtë rast, ka rezultuar se këta 2 shtetas, në bashkëpunim me njëri-tjetrin, janë autorë të 8 vjedhjeve të portofolave me shuma parash, dhe të celularëve të shtetasve të ndryshëm të cilët prisnin për të marrë shërbimet, në sportelin e Spitalit Rajonal Durrës, vjedhje këto të ndodhura gjatë këtij viti,” ka njoftuar policia.
