Ardian Dvorani pritet të emërohet anëtar i Gjykatës Kushtetuese. Emërimi do të bëhet në seancën e nesërme parlamentare.
Në fakt në garë është edhe Marjana Semini, por CNA.al mëson se votave të mazhorancës do t’iu bashkangjiten dhe votat e opozitës së improvizuar drejtuar nga Basha nën hije me fasadë Enkelejd Alibeaj. Ata që dikur e sulmonin tashmë do ta votojnë.
Dvorani do të ketë edhe votat e Enkelejd Alibeajt dhe Lulzim Bashës, dhe grupit të tyre.
Kujtojmë se Dvorani, është një nga emrat e drejtësisë që ka pasur përplasje me politikën.
Risjellim në vëmendje përplasjen e vitit 2020 me Ilir Metën në atë kohë president.
Meta kallëzoi Dvoranin në SPAK më 18 shkurt të 2020-ës, ndërsa ka akuzuar si shkelës të ligjit dhe të Kushtetutës.
Përplasja mes tij dhe ish-kreut të KD ka qenë shumë e fortë.
Në vitin 2021, Gjykata e Posaçme ka vendosur pushimin e çështjes për ish-kreun KED, Ardian Dvorani, pas padisë së presidentit Ilir Meta. GJKKO ka pranuar kështu kërkesën e Prokurorisë së Posaçme.
Në një prononcim për mediat menjëherë pas dhënies së vendimit, Dvorani tha se nuk ka përplasje me asnjë institucion dhe se ka ikur koha e gjyqeve popullore.
“Unë nuk kam përplasje me asnjë institucion, ushtroj detyrën jam gjyqtar. Është jashtë realitet të mendoj që ka përplasje. kush mendon se ka përplasje i ka për vete./CNA.al
