Hyrja për në qytetin e Elbasanit është bllokuar totalisht. Ashtu siç raportoi më herët newsbomb.al, rrëzimi i një kamioni i tonazhit të rëndë, i nisur nga Bullgaria, ka paralizuar qarkullimin në rrugën kryesore që të çon për në Elbasan.
Nga aksidenti janë krijuar radhë të gjata mjetesh që të çojnë për në hyrje të Elbasanit, nga autostrada e Tiranës. Në vendngjarje ndodhen dhe ekipet policore, të cilat po koordinojnë punën për rinisjen e qarkullimit.
Ajo që bie në sy, nga raportet e vazhdueshme në zonë, janë krijuar radhë kilometrike mjetesh të cilat arrijnë deri pranë tunelit. Situata vijon e tillë prej gati një ore dhe nuk dihet sesa do të zgjasë, pasi ky aks ka qarkullim të lartë.
