Mbrëmja e sotme ka çelur natën e parë të Edicionit të 61 të Festivalit të Këngës në RTSH. Mes emocioneve dhe figurave të njohura të muzikës shqiptarë ka nisur udhëtimi i 4 netëve të magjishme të këtij Festivali.
Nën moderimin e Arbana Osmanit, mbrëmjen e kësaj të enjte do të ngjiten në skenën e “Pallatit të Kongreseve 13 këngëtarë, në garë për të lënë gjurmën e tyre në fondin e muzikës shqiptare, si edhe për ëndrrën drejt Liverpool-it në edicionin e ardhshëm të Festivalit Europian.
Ndryshe nga edicionet e kaluar, artistët që do performojnë këtë mbrëmje, Enxhi Nasufi, Erma Mici Fabian Basha, Anduel Kovaçi, Fifi, Urban Band, 2 Farm, Sara Kapo, Rezarta Smaja, Albina dhe familja Kelmendi, Sergio Hajdini, Luna Çausholli, dhe Rovena Dilo, do të njohin për herë të parë publikun me këngët e tyre.
Në total, Festivali do të mirëpresë në skenë 16 artistë të njohur të skenës 10 këngëtarë të rinj dhe grupe alternative që garojnë për 5 çmime të rëndësishme që do të caktohen nga një juri profesioniste.
