Një 49 vjeçar shqiptar është gjetur i pajetë mëngjesin e së martës në banesën e tij në qytetin Castelli, në periferi të Romës, Itali. Ka qenë gruaja e tij e cila e ka gjetur të pajetë bashkëshortin, shtetasin Petrit Caka.
Mediet italiane raportojnë se Caka kishte përcjellë fëmijët në shkollë dhe më pas kishte shkuar për të bërë pazar. Këto ishin lëvizjet e fundit të 49 vjeçarit. Policia po heton rastin dhe po kryen një sërë hetimesh.
Për të rindërtuar kontaktet dhe lëvizjet e Cakës, hetuesit po analizojnë numrat e telefonit të viktimës dhe se me kë kishte takim ditën që u gjet i vrarë.
Ai frekuentonte sallat e lojërave elektronike dhe luante kumar. Një ndër pistat e hetimit është ajo e një vrasjeje të lidhur me një borxh me ndonjë person që banon në të njëjtën zonë.
