Më 6 Dhjetor, ditën kur u mbajt Samiti mes BE-së dhe Ballkanit Perëndimor në Tiranë, Policia kishte caktuar një perimetër sigurie, madje në qendër, kjo ndodhi që në orën 14:00 të 5 Dhjetorit.
Por, paraditen e 6 Dhjetorit, në media qarkulloi një lajm se një “Land Rover” i kamufluar me fenelina policie kishte thyer perimetrin e sigurisë dhe kjo kishte alarmuar uniofrmat blu, por kjo gjë u mohua nga drejtori i Përgjithshëm, Muhamet Rrumbullaku.
Por, gjatë një interviste në Top News, eksperti i sigurisë Ervin Karamuço tha se kjo gjë ka ndodhur vërtet dhe ka ndodhur mbrëmjen e 5 Dhjetorit dhe se Rrumbullaku e mohon sepse nuk dëshiron të prishë imazhin e Policisë.
Ai tha se ka një mesazh që iu është shpërndarë të gjithë efektivëve të Policisë.
“Ajo ka ndodhur atë dite, por te nesërmen është dhënë nga disa portale. Unë kam patur në celularin tim një mesazh që iu bëhet thirrje të gjithë policisë ku nëse shihni një Land Rover me fenelina ndaloheni menjëherë se ka thyer perimetrin e sigurisë. Ai nuk është kapur edhe sot.
Ajo u mbajt sekret për të mos prishur dhe imazhin e asaj pune të mirë. U bashkëpunua shumë mirë me organet e tjera si EuroPol dhe Interpol, si dhe me autoritet vendase të inteligjencës. Por, duhet të ndalonin edhe ngjarjen që ndodhi tjetër me sulmin ndaj Berishës. Sepse ka cenim të sigurisë publike nëse ata cënohen.” tha Karamuço.
