Boksierja e mundësja braziliane e stilit xhiu-xhitsu, Sophie Larissa Weiss thotë se kalon ditën duke mundur djemtë në tapetin e shtëpisë së saj në Barnsley, Britani, të cilët më pas paguajnë për shërbimet.
Në një intervistë me mediat ajo thotë Sophie: “Profesioni im është të rrah burrat. Ata preferojnë që unë t’i mund me stilet e mia të mundjes apo dhe t’i godas me grusht”.
“Njëri erdhi njëherë prej Madridit që unë ta rrihja e ta hidhja në tapet. Unë kërkoj 500 dollarë ora dhe ai gjeti një fluturim të lirë dhe erdhi në hotel”.
Sophie ka qenë modele prej moshës 19 vjeçare por babai i saj ‘bodybuilder’ i mësoi stërvitjen dhe artet marciale, për të luftuar anoreksinë.
Ajo pranon se të ftosh të huaj në shtëpi është e rrezikshme por deri tani nuk ka pasur probleme.
“Mamaja ime erdhi dhe pa tapetet e mundjes e më tha ‘vërtet kështu jeton ti?’ sepse unë nuk kam televizor në dhomën e ndenies”.
Sophie thotë se shumica e “klientëve” të saj janë mbi 40 vjeç dhe se “ndoshta po kalojnë kriza të moshës së mesme”.
Ajo shton se shpesh kritikohet për mënyrën sesi fiton para, por vetë është e kënaqur dhe kërkon të shkojë në SHBA ku ka më shumë kërkesë.
“Njerëzit gjithnjë më komplimentojnë për trupin sepse jam e stërvitur, por kjo vjen vetëm nga mundja”.
