Drejtori i Policisë së Shtetit, Muhamet Rrumbullaku u pyet sot në lidhje me operacionin e call center-ave dhe lajmin e mediave spanjolle se është shpallur në kërkim Amant Josifi, ish-këshilltar i ministres Olta Xhaçka dhe sipas Sali Berishës, njeri i afërt i Olsi Ramës, vëllait të kryeministrit.
Rrumbullaku iu shmang përgjigjes direkte duke folur në përgjithësi për operacionin dhe la të kuptohet se Josifi mund të jetë arratisur nga Shqipëria. Sali Berisha paralajmëroi se mund të jetë arratisur në Dubai.
“Sa i përket operacionit kemi pasur korrespodenca, jemi në një grup hetimi të gjerë me SPAK dhe jemi në rrugë të mbarë për personat që u shmangen drejtësisë brenda apo jashtë territorit për vënien përpara drejtësisë të autorëve” tha ai.
