Kryetari i Partisë së Lirisë, Ilir Meta paraditen e sotme është takuar në selinë e PD-së, me Sali Berishën. Ky është takimi i tretë që nga zyrtarizimi i koalicionit opozitar për vjedhjet, por në fokus të takimit të sotëm ka qenë protesta e 6 Dhjetorit.
Policia dhe bashkia refuzuan që t’i japin leje Sali Berishës për të protestuar në sheshin përpara Kryeministrisë me argumentin e sigurisë kombëtare pasi në 6 dhjetor në Tiranë vijnë liderët e BE-së për samitin me Ballkanin Perëndimor.
Por Sali Berisha dhe Ilir Meta janë shprehur të vendosur për të zhvilluar tubimin.
