Është gjetur e pajetë në banesë në Elbasan një 60-vjeçare.
E pajetë është gjetur Dashamira Dokle, e cila jetonte në lagjen “Kala” në kushte shumë të vështira ekonomik.
Shtëpia ku prej vitesh 60-vjeçarja jetonte ishte e rrënuar dhe e shkatërruar. Madje ajo kishte bërë apel për ndihmë, por që duken kanë rënë në vesh të shurdhët dhe 60-vjeçarja u largua nga kjo jetë në dëshpërim.
Në lidhje me këtë ngjarje ka reaguar edhe deputeti i PD në Elbasan, Luciano Boçi, i cili shkruan se edhe pse Dokle kërkoi ndihmë askush nuk e ndihmoi.
Postimi i plotë i Boçit:
Pasi ulëriti skamjen e saj, një zonjë u largua sot në heshtje…
Dashamira Dokle u largua sot nga kjo jetë në heshtje, pa zhurmë, por me plot brenga! Ishte një qytetare e thjeshtë që në vitet e fundit të saj ulëriti për mjerimin në të cilin jetonte.
Nuk ishte në asnjë zonë të thellë! Nuk ishte larg zyrave të Bashkisë! Nuk ishte e fshehur! Ishte aty në mes të qytetit! Ne qendër të lagjes “Kala”. Apeloi dhe thirri fort për ndihmë por askush nuk e ndihmoi!
Shtëpia e saj muze nuk e gjeti ndihmën dhe ndërhyrjen e Bashkisë dhe institucioneve të tjera për t’i dhënë identitetin që meriton dhe për t’i siguruar të ndjerës një jetë dinjitoze. Turpi dhe përgjegjshmëria institucionale në këtë rast janë të lidhura aq fort sa ska shpagim për këtë jetë të humbur!
Shpirti i të ndjerës u prehtë në paqe! Zoti i dhëntë qetësi shpirtit të saj 
Ngushëllime të sinqerta familjes së saj
