Deputeti i PD-së, Dashnor Sula, është shprehur në lidhje me bisedën “private” që pati me kryeministrin Edi Rama në seancën parlamentar ku dhe në fund u pa duke i shtrënguar dorën.
Sula nuk ka pranuar të bëj publike detajet nga biseda por ka treguar në Report Tv se ai i dorëzoi kryeministri disa dokumente që tregojnë se Shqipëria është në disfavor për sa i përket projektit të Portit të Durrësit.
“Unë i ofrova disa dokumente për portin e Durrësit dhe kishim një diskutim normal. Ishte sqarues. Ai përdori një gjuhë intimiduese dhe arrogante, ne kemi kundërshtuar por nuk kemi ofenduar.
Ishte sqarim normal.
Duhet të verifikohen dokumentet më pas do ti bëjmë publike. Kam qenë prokuror dhe dua të flas me fakte konkrete si jurist.
Nuk mund të them unë, është e kreu të grupit parlamentar , ai që do tregojë për aferën e madhe.
Kontrata është disfavorizuese dhe ne dalim të humbur, ” është shprehur Sula.
