Ervis Halimi dhe Musa Gudo, dy të rinjtë nga Fieri që grabitën për herë të dytë dhe dhunuan një të moshuar nga fshati Klos i Mallakastrës, janë lënë në burg nga gjykata. Çuash Shehaj, 89 vjeç, fatkeqësisht ndërroi jetë në spital.
Një orë ka zgjatur seanca e sotme për masën e sigurisë, ku Gjykata e Fierit i ka lënë të rinjtë në “Arrest në burg”. Halimi dhe Gudo akuzohen për veprën penale “Vjedhja me pasojë vdekjen”.
Rreth orës 08:00 të datës 19.11.2022 është njoftuar salla operative se në orën 02:30, në fshatin Klos, Mallakastër, kishte ndodhur një vjedhje me dhunë, në një banesë. Menjëherë pas marrjes së njoftimit, shërbimet e Policisë organizuan punën për zbardhen e ngjarjes, identifikimin dhe kapjen e autorëve.
Falë veprimeve të shpejta dhe profesionale, bazuar dhe në inteligjencën informative, u bë e mundur zbardhja e ngjarjes dhe identifikimi i personave që, nën kërcënimin e armës së zjarrit, i morën me dhunë një shumë parash, shtetasit Çaush Shehaj.
- Bazuar në provat e grumbulluara, shërbimet e Komisariatit të Policisë Mallakastër, në ndërveprim me të gjitha strukturat e DVP Fier dhe në bashkëpunim të ngushtë me Prokurorinë pranë Gjykatës së Rrethit Gjyqësor Fier, arrestuan dy autorët, Ervis Halimi dhe Musa Gudo.
