Togat e zeza të Vlorës kanë dënuar me 150 vite burg në total pesë anëtarët e “Grupit Çam” që i bënë atentat Ines Hajrullës, djali i biznesmenit vlonjat Robert Hajrulla. Tre vite nga ngjarja, dosja është dërguar në gjyq dhe sot është marrë vendimi.
Trupa gjykues e përbërë nga Pëllumb Zaimj, Entela Gjoni dhe Adelajda Gjyzi dënoi, respektivisht:
- Daut Elmazin – 35 vite burg – Fajtor për akuzën e “Vrasjes në rrethana cilësuese” e kryer në bashkëpunim, e mbetur në tentativë;
- Gentjan Dautaj (Zoto) – 35 vite burg – Fajtor për akuzën e “Vrasjes në rrethana cilësuese”, kryer në bashkëpunim mbetur në tentativë dhe mbajtjes pa leje dhe prodhimit të armëve, armëve shpërthyese dhe municionit;
- Igli Memaj (Suloti) – 30 vite burg – Fajtor për akuzën e “Vrasjes në rrethana cilësuese” e kryer në bashkëpunim e mbetur në tentativë;
- Serxhio Ademi (Cima) – 25 vite burg – Fajtor për akuzën e “Vrasjes në rrethana cilësuese” e kryer në bashkëpunim e mbetur në tentativë;
- Albano Goxhaj – 25 vite burg – Fajtor për akuzën e “Vrasjes në rrethana cilësuese” e kryer në bashkëpunim e mbetur në tentativë.
Përmes përgjimeve të kryera nga prokuroria e Vlorës, kontrolli i banesave dhe pyetja e personave të ndryshëm, është bërë e mundur identifikimi dhe arrestimi i Daut Elmazit, Igli Memaj, Gentjan Dautaj, Albano Goxhaj dhe Serxhio Ademit. Ndërkohë në kërkim për këtë ngjarje vijon të jetë i shpallur Fatmir Hyseni, gjykimi ndaj të cilit është i pezulluar.
Si i shpëtoi atentatit Ines Hajrulla dhe shokët e tij , 10 maj 2019 – Lungomare, Vlorë
Sipas pretencës së Prokurorisë së Vlorës të 5-të këta persona së bashku me Fatmir Hysenin ose (Doqja), në 10 Maj 2019 kanë dashur të vrasin Ines Hajrulla, Ervis Matodashaj dhe Arbër Shollaj.
Këta persona dhe një grup djemsh të tjerë, ishin duke qëndruar në ambientet e një lokali në shëtitoren “Lungomare”, kur janë sulmuar befasisht me armë. Si pasojë e të shtënave me armë, është plagosur lehtë në këmbë një punonjës i Bashkisë Vlorë, Dajko Canodemaj.
Hetimi i kryer nga prokurori Alfred Sali, konstatoi se autorit të sulmit i është bllokuar arma automatike, duke mos pasur mundësi të qëllonte, por është kthyer mbrapsht në makinën tip “Land Rover” që grupi e kishte vjedhur në Vlorë për ta përdorur më pas në këtë ngjarje kriminale.
Në ndjekje të mjetit dhe personave të ndodhur në të, janë vënë shërbimet e Patrullës së Përgjithshme, të cilat për një pjesë rruge e kanë pasur në kontakt pamor automjetin e markës “Land Rover”, me ngjyrë të zezë. Ky automjet, ka lëvizur në drejtim të fshatit Babicë e Vogël, kohë kur, në ndjekje të tij është vënë dhe një patrullë policie me motor.
Për shkak të terrenit të vështirë, është krijuar distancë dhe autorët kanë mundur të largohen duke braktisur automjetin në kodrat midis fshatrave Babicë e Vogël, Bunavi dhe Çeprat, në një vend të ndodhur poshtë antenave të shoqërive të telefonisë të lëvizsshme.
Përmes përgjimeve të kryera nga prokuroria e Vlorës, kontrolli i banesave dhe pyetja e personave të ndryshëm, është bërë e mundur identifikimi dhe arrestimi i Daut Elmazit, Igli Memaj, Gentjan Dautaj, Albano Goxhaj dhe Serxhio Ademit. Ndërkohë në kërkim për këtë ngjarje vijon të jetë i shpallur Fatmir Hyseni, gjykimi ndaj të cilit është i pezulluar.
