Kryetar i Aleancës për Ardhmërinë e Kosovës, Ramush Haradinaj, pasi dështimit të marrëveshjes për targat në Bruksel.
Përmes një postimi në “Facebook”, Haradinaj i ka bërë thirrje kryeministrit Albin Kurti, që të pezullojë zbatimin e vendimit për targat deri në momentin kur të ketë një arritje të marrëveshjes për njohje të ndërsjelltë.
Gjithashtu, Haradinaj i ka bërë thirrje dhe presidentes Vjosa Osmani që të marrë një rol aktiv në qetësimin e situatës.
Një thirrje nga ana e ish-kryeministrit është bërë edhe për qytetarët serb që të përmbahen nga aktet e dhunës dhe të mos bien pre e kalkulimeve politike të regjimit në Beogrd.
“I bëj thirrje Kryeministrit ta pezullojë zbatimin e vendimit për targat deri në arritjen e marrëveshjes për njohje të ndërsjellë.
I bëj thirrje Kryetarit të Kuvendit që urgjentisht ta thërras Parlamentin në seancë të jashtëzakonshme, që të miratohet Rezoluta e propozuar prej AAK, për tejkalimin e situates së krijuar.
Po ashtu i kërkoj Presidentes të marrë rol aktiv në qetësimin e situatës dhe në kapërcimin e ngërçit të krijuar.
I ftoj të gjithë qytetarët serb që të përmbahen nga aktet e dhunës dhe të mos bien pre e kalkulimeve politike të regjimit në Beograd.
Është momenti i fundit që qeveritë në Beograd e në Prishtinë, të ulen e të bien në ujdi për marrëveshjen e paqes për njohje, e të heqin dorë nga veprimet që rrezikojnë jetët e njerëzve!”, shkruan Haradinaj.
