Kryetari i PD, Sali Berisha, së bashku me kryetarin e Bashkisë Shkodrës, Bardh Spahia dhe deputeten e qarkut, Greta Bardheli, pasditen e sotme kanë shkuar për ngushëllime te familja e Pjetër dhe Jason Rushaj, babë e bir të cilët ditën e djeshme humbën jetën në mënyrë tragjike.
Kryetari i PD i shprehu ngushëllime familjarëve për këto dy humbje të mëdha, teksa theksoi se ndërtimi i rrugëve dhe infrastrukturës duhet të bëhët për të shmangur tragjedi të tilla.
“Kështu ndërtimi i rrugve infrastrukturës edhe kudo, më tepër duhet të bëhet. Në gëzime u ardhshim. Mos pafshim më…Të rroni e ta kujtoni Pjetrin djalin. Uroj që të gjeni forcë për ta përballuar dhimbjen. Jeni familje e sojshme dhe duhet me i përballuar këto sfida”, tha Berisha.
Ndërkohë, teksa Berisha po fliste deputetja Bardheli nuk mbajti lotët dhe nuk dihet nëse Pjetër dhe Jason Rushaj kanë qenë të afërm të saj.
Kujtojmë që ditën e djeshme Petrit Rushaj së bashku me djalin dhe vajzën ishin duke udhëtuar me makinë, kur mjeti u rrëmbye nga rrjedha e përroit në Bogë, vajza arriti të dalë në kohë dhe shëtoi, kurse babë e bir mbetën të bllokuar dhe fatkeqësisht sot janë gjetur të pajetë.
