Mëngjes tragjik. Sot në Malësi të Madhe polumbarët nxorën trupat e pajetë të babë e bir që dje i mori rrjedhja e lumit në Bogë. Policia ka publikuar pamjet e momentit kur nxirret makina dhe trupat e pajetë të babë e bir, Pjetër Rushaj 50-vjeç dhe Jason Rushaj 13-vjeç.

“Në vijim të informacion të dhënë mesditën e djeshme se në vendin e quajtur “Grykë Lugje”, në njësinë administrative Shkrel, Malësi e Madhe, rrjedha e ujit të përroit kishte marrë përpara një automjet me të cilin udhëtonin tre persona, banorë të zonës. (babai, djali dhe vajza), ju bëjmë me dije se:

Pas 16 orë kërkimesh intensive, gjatë pasdites së djeshme, gjatë natës dhe gjatë mëngjesit të sotëm, nga polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, në gjatësinë e përroit, në Bogë, u bë e mundur gjetja e dy trupave (babë e bir)” deklaron policia.