Zëvendëskryeministrja dhe Ministrja e Infrastrukturës dhe Energjisë, Belinda Balluku nga hidrocentrali i Vaut të Dejës, që hapi portat nga prurjet e shumta deklaroi se reshjet që ranë ishin jashtë parashikimit duke e cilësuar gjithçka si “bombë uji”.
Më tej, ministrja theksoi se hapja e portave të HEC-it është bërë e kontrolluar duke shmangur përmbytjet dhe se fronti që tani po shkon drejt jugut.
“Ishte dyfishi i asaj prisnim dhe ushtrimet numerike të asaj që prisnim nga rënia e shiut dhe prurjet. Kemi pritur prurje më të larta në basenin e Fierzës, por nuk e kemi pasur këtë, por në Vaun e Dejës dhe Komanit kemi pasur reshje me intensitet shumë të lartë dhe na është dashur të bëjmë shkarkime të analizuara.
Këto shkarkime bëhen në mënyrë teknike dhe si i kemi mbajtur është një mënyrë për të ruajtur nën Shkodrën, pasi do të kishim pasur përmbytje masive. Vetëm në Bërdicë kemi hasur probleme, Drini është i pa kontrollueshëm.
Kjo ishte një “bombë uji”. Për shkak të temperaturave shumë të larta. Kemi pasur një shkarkim të paparashikueshëm. Fronti po spostohet në Jugut, por nuk do të kemi problemet që kemi në veri” tha ajo. Një përgjigje e kishte edhe për akuzat e opozitës. “Ata që përdorin cdo situatë për arsye politike” tha ajo.
Por PD dhe PL akuzuan për keqmenaxhim të situatës. Sipas tyre reshjet kanë pushtuar Shqipërinë dhe HEC-et janë hapur, por KESH vijon që të blejë energji nga jashtë.
Drejtori i KESH-it, Ergys Verdho sqaroi versionin e tij se përse dështoi strategjia dhe po blen energjinë në momentin që po hapet kaskada.
Ai e kaloi përgjegjësinë te OSHEE që bëri sipas tij kërkesën për energji dhe Kosovës, që nuk pranoi shkëmbimin, pra marrjen e energjisë nga Shqipëria.
“Në datë 11 (nëntor) kërkuam import që sot të kishim evente do të mundësonin rritjen e rezervës dhe mos daljen në javën konseguente, të mërkurën fronti ishte më i lartë sesa pjesa e studimeve që bëmë 10 ditë më parë.
Morëm masat për të kontaktuar partnerët, KEK-un e Kosovës për depozitimin e energjisë që kemi një kontratë me ata, dhe morëm një përgjigje që nuk kishin kapacitete për ta tërhequr” tha ai.
