Kandidatët që garojnë për Bashkinë e Tiranë, në primaret e Partisë Demokratike, janë duke prezantuar bashkë kandidaturat dhe platformat për të marrë besimin e demokratëve për kryeqytetin.
Me banorët dhe anëtarësinë e Degëve 1 dhe 2 të Tiranës, PD ka organizuar prezantim të përbashkët për të gjithë kandidatët e primareve. E para që ka folur ka qenë juristja Adriana Kalaja, e më pas kanë vazhduar me radhë sipas rendit alfabetik të miratuar nga Kryesia.
- Adriana Kalaja
- Belind Këlliçi
- Enkelejda Fejzo
- Fatmir Merkoçi
- Gerti Bogdani
- Ilir Alimehmeti
- Julian Deda
Secili prej tyre ka kërkuar votë për të qenë përballë socialistit Erion Veliaj, megjithëse janë zotuar se cilido qoftë fituesi i primareve, të gjashtë të tjerët do të punojnë për kandidatin e preferuar të anëtarësisë.
Platforma e kandidatëve është fokusuar kryesisht te arsimimi, infrastruktura dhe taksat e tatimet. Sipas tyre, Tirana është e të gjithëve dhe jo vetëm e ndërtuesve, që kanë ndërtuar kulla shumëkatëshe e madje kanë zënë dhe trotuaret për këmbësorët.
