Kreu i Partisë Demokratike, Sali Berisha, ka deklaruar jashtë Kuvendit se brenda dy ditëve do të vendoset data kur populli opozitar do të vijë në parlament dhe do të japë përgjigjen e merituar kësaj qeverie.
Ai u shpreh para gazetarëve se ky “parlament aktual nuk meriton që të ekzistojë”, pasi sipas tij nuk respekton asnjë nen të Kushtetutës.
Berisha: Ky është parlament në të cilën nuk respektohet asnjë nen i Kushtetutës, në të cilën bëhet gjithçka në funksion të shuarjes së zërit të opozitës vetëm se këta qeveritarët janë të tmerruar se pasurohen me fonde publike dhe vjedhja.
Parlamenti ka marrë formën e një shartorjeje, platformë sharjes ku kreu i pseudo maxhorancës i lejon vetes të përdorë fjalët më të ulëta për çdo njeri të civilizuar, ai jo vetëm që nuk ndëshkohet por mbështetet nga drejtuesit e parlamentit ndërkohë që deputetët e opozitës i kthejnë përgjigje jashtë kamerës, ata përjashtohen nga parlamenti, siç është e drejta për procedurë, nuk mund t’i mohohet në çdo sallë të botës nëse deputeti shtyp butonin për procedurë atij i jepet fjala.
Ne falë Facebook komunikuam, parlamenti është transformuar në institucion që merren vendime nga grupe kriminale me pushtet apo pa pushtet kjo nuk duhet të ekzistojë. Këtu duhet të vijë populli shqiptar. Kemi dorëzuar një rezolutë për krimet në Kosovë, kjo nuk pranohet të ndiqet, është kushtetuese, kurse Linda e parlamentit e mban në sirtare se kështu I thotë Edi Surrelit. A mund të funksionojë në këtë mënyrë parlamenti a nuk është një fyerje kombëtare. Çfarë do të thotë Linda kur Edi Surrelit thotë fjalët më të turpshme, çfarë u thotë grave, vajzave shqiptare kur dëgjojnë Edin të flasë në këtë mënyrë.
Është bërë një situatë e padurueshme, u detyruam për mbrojtjen e tyre të komunikoj me Facebook, ne jemi për rregulloren. Ne shkojmë për përgjigje fjale, por atij duhet t’i mbyllet goja, ne shkojmë me fjalën ne jemi që parlamenti të funksionojë, këta bëjnë të kundërtën. Ky është vetëm fillimi. Ato i di populli,(çfarë të thotë) do vijë, nuk është vendos akoma do vendoset brenda dy ditëve. Këtu zbret Evropa. Unë nuk caktova datë, por populli opozitar do të jetë këtu patjetër, nuk ndërpritet, është betejë për dinjitetin, të ardhmen e Shqipërisë.
