Kryeministri Edi Rama ka mbyllur takimet në Berat dhe ka përcjellë një mesazh për të gjithë ata që morën pjesë në bisedime.
Rama me anë të një postimi në rrjetet sociale shkruan se foli dhe dëgjoi problemet e banorëve, teksa shkruan se Berati i Rilindur nuk ka asnjë krahasim me disa vite më parë, por që ka ende punë.
“Falenderime nga zemra për gjithë ata njerëz, gra e burra, të rinj e të moshuar, në qytet lart në kala e poshtë tutje në fshatin Peshtan, që më nderuan me praninë e tyre mikpritëse dhe më dhanë mundësinë të flas me ta po edhe të dëgjoj prej tyre, për problemet e sfidat e vendit tonë në këtë Epokë të re Kërcënimesh për botën ku jetojmë, po edhe për hallet e kërkesat konkrete të së përditshmes, në Beratin e Rilindur që s’ka asnjë krahasim me deri disa vjet më parë, por që duhet e do të jetë patjetër pakrahasimisht më i mirë se sot, pas disa vitesh që vijnë” shkruan Rama.
