Abaz Xhelili, babai i Orges Xhelilit, autori i cili plagosi me thikë kryetarin e bashkisë së Divjakës Fredi Kokoneshin dhe shoferin e tij ka folur për median.
Ai u shpreh se nuk e dinte se djali i tij kishte probleme deri në këtë pikë me kryetarin e Bashkisë së Divjakës.
“E hoqi nga puna për një vit. Ka qenë emigrant ka qenë një student i mire ekselent, inxhinier. Ne nuk na kishte thënë gjë. Ai gjeti punë. Ishte inxhinier elektronik. Ka mbaruar të lartë për inxhinieri elektronike. Ishte absolut. Nuk e marr vesh si arriti në këto shqetësime djali. Ne dy çuna kemi pasur. E hoqi pa të drejtë dhe i thash lerë se gjen punë ti. Ka qenë i pari. Filloi punë në IT. Ai e kishte hequr pa të drejtë. E thirrën dhe nga Krimi Ekonomik. Ka pasur debate. I kemi pasur dhe si miq. Na kanë prishur dhe miqësinë. Ne jemi krahu i këtyre jemi familje dëshmorësh. Të prishte djali im me këta rrugaçë. Ka pasur probleme Fredi. Në televizor e morëm vesh lajmin. Ajo ka qenë 40 vjet mësuese. Ai ka vajtuar atje në rrugë. Filloi punë në Tiranë. Ka pasur debate! Atë ditë nuk kishte debate, erdhi nga Tirana. E ndalon ai. Vetëm e drejta të dalë në drejtësi. Djali im nuk ka pasur asnjëherë probleme” u shpreh Abaz Xhelili.
Kujtojmë që katër ditë më parë, Orges Xhelili ka qenë punonjës në sektorin e IT në Bashkinë e Divjakë, por marrëdhëniet e punës ishin ndërprerë.
Duket se kjo ka shkaktuar edhe përplasjen që çoi në plagosjen me thikë të kryebashkiakut të Divjakës. Xhelili plagosi me thikë Fredi Kokoneshin dhe shoferin e tij Gazmir Bullarin.
