Gjykata Administrative ka rrëzuar kërkesë padinë e prindërve të fëmijëve të kopshtit “Zubeyde Hanim”.
Ditën e sotme Gjykata vendosi rrëzimin e kërkesës së prindërve të cilët nëpërmjet një kërkesë padie kërkuan anulimin e urdhrit të ministrisë së Arsimit që vendosi mbylljen e kopshtit.
Në përfundim të seancës avokatët e cilësuan të paligjshëm vendimin duke paralajmëruar ankimim në Apel te këtij vendimi.
“Kopshti do të vijojë i mbyllur. Gjykata mbylli veshët kur ne paraqitëm faktet. Të gjitha argumentet që nuk janë marrë në konsideratë, do ti çojmë në Apel, duhet ti marri patjetër në konsideratë. Kjo çështje është në kundërshtim me ligjin”, u shpreh avokati.
Gjithashtu edhe prindërit janë shprehur të zhgënjyer ndaj këtij vendimi dhe kanë bërë apel për drejtësi ose do i drejtohen Strasburgut.
“Sot ishte një shoë i vërtete, drejtësia jonë lë shumë për të dëshiruar. Duam të drejtën e fëmijës sonë. Duam ti shkollojmë aty ku mendojmë se shkollohen më mirë. Jemi shumë të zhgënjyer. Deri në Strasburg do të bëjmë tonë, Ky është realiteti ynë i hidhur”, tha një prej prindërve.
