Kreu i Partisë Demokratike, Sali Berisha ka shpërndarë një mesazh në TikTok ku ka falenderuar të gjithë qytetarët për pjesmëmarrjen dje në protestë.
Berisha e quajti një protestë të jashtëzakonshme që ka njohur Tirana. Ai ndër të tjera ka falenderuar të gjithë ndjekësit në Tik Tok duke thënë se ka arritur në 1.3 milion shikime dhe mijëra ndjekës.
“Mirëdita miqtë e mi të Tik Tok. Një përshëndetje të përzemërt për të gjithë ju, për të gjithë qytetarët që mbushën dhe zbukuruan aq madhërishëm bulevardin dje me pjesëmarrjen tuaj në protestën më të jashtëzakonshme që Tirana ka njohur.
Por, në këtë mesazh dua gjithashtu një falenderim dhe mirënjohje të përzemërt për të gjithë ju miqtë e Tik Tok që në 30 ditë e shndërruat në një histori suksesi komunikim tonë me 1.3 milionë shikime dhe dhjetra/ mijëra ndjekës. Së bashku ne jemi njerëz të rekordeve të mira. Treni ynë nuk ndalet më. Ai do kalojë nga stacion fitorjeje në një stacion tjetër deri në destinacionin final.
Shpëtimin e Shqipërisë për ju të ardhmen tuaj dhe të gjithë shqiptarët. Zoti iu bekoftë!”tha Berisha.
