Një godinë e braktisur është përfshirë nga flakët në lagjen “1 Maji” në Fier.
Bëhet me dije se flakët kanë shpërthyer brenda mjediseve të godinës së braktisur. Nuk dihet ende se çfarë mund të ketë shkaktuar zjarrin në këto ambiente.
Mësohet se godina që është përfshirë nga flakët ndodhet pranë Drejtorisë së Ujësellësit, dhe aty pranë ndodhet dhe një bllok godinash të banueshme.
Policia dhe zjarrfiksja janë nisur për në vendin e ngjarjes për të bërë të mundur shuarjen e flakëve dhe zbardhjen se shkaqeve të flakëve.
