Presidenca çeke e Bashkimit Evropian e ka dorëzuar tek shtetet anёtare draftin e ri tё tekstit pёr liberalizimin e vizave pёr Kosovёn, por datёn e zbatimit e ka shtyrë pёr njё muaj, pёrkatёsisht nga nёntori nё dhjetor tё vitit tё ardhshёm.
“Përjashtimi nga kërkesa për vizë do të zbatohet vetëm nga data e fillimit të funksionimit të Sistemit Evropian të Informacionit dhe Autorizimit të Udhëtimit (ETIAS) dhe në çdo rast jo më vonë se mё 1 dhjetor 2023.”, thuhet nё draftin mё tё ri.
Me kёtё rast, nёse deri tё mёrkurёn mё 16 nёntor nё orёn 14.00, nuk reagon, pёrkatsisht kundёrshton asnjё shtet anёtar i Bashkimit Evropian, atëherë konsiderohet se teksti nё fjalё ёshtё miratuar dhe dosja e vizave kalon nё nivel politik.
Shtyrja pёr njё muaj nga burimet diplomatike shpjegohet me faktin se 1 nёntori nё agjendёn e BE-sё akoma qëndron si afat i mundshёm kur ETIAS duhet tё jetё plotёsisht funksional dhe me kёtё rast edhe hyn nё fuqi liberalizimi i vizave.
Nёse teksti miratohet mё 16 nёtor, i njëjti kalon fillimisht tek ambasadorët e shteteve anëtare e mё pas nisё i ashtuquajturi trialog, ku pёrfshihen tё gjitha institucionet evropiane, Komisioni Evropian, Parlamenti Evropian si dhe Këshilli i ministrave tё BE-sё.
