Disa detaje të reja janë zbardhur nga grabitja e denoncuar na deputeti i PD-së Saimir Korreshi.
Mësohet se autori i maskuar i armatosur me kallashnikov ka hyrë brenda pikës së këmbimit valutor dhe i ka kërkuar punonjëses t’i jepte paratë që kishte në arkë. Pas marrjes së parave, ai është larguar dhe jashtë e priste një tjetër person i maskuar dhe me motor.
Ata janë larguar në drejtim të paditur duke përfituar nga rrëmuja e shkaktuar në Divjakë pas plagosjes së kryebashkiakut.
“Pasditen e sotme, në qytetin e Divjakës, në një pikë këmbimi valutor, një person i vetëm, ende i paidentifikuar dyshohet se nën kërcënimin e armës ka vjedhur një shumë parash dhe më pas është larguar me shpejtësi.
Nga ana e Policisë janë ngritur pika kontrolli dhe vijon kontrolli i zonës për të bërë të mundur kapjen e autorit,” ka njoftuar policia.
