“Zëri i zemërimit mbarëpopullor do të buçasë”- Meta mesazh Ramës: Shqiptarët po ikin për shkak të tij! Nesër do ta dëgjojë qartë se…

Kryetari i Partisë së Lirisë, Ilir Meta ka dhënë mesazhin e qartë për kryeministrin Rama se nesër nga qytetarët “do ta dëgjojë se ora e llogaridhënies për të po afron!”

Në një postim në Facebook, teksa i referohet një raporti për ikjen e shqiptarëve, Kreu i PL-së thekson se shkak për këto largime është Rama, armiku i lirive.

Meta thotë se nesër zëri i zemërimit mbarëpopullor do të buçasë në sheshet e Tiranës.

“Shkak kryesor sipas vetë të anketuarve është keqqeverisja dhe vrasja e shpresës nga “Rilindja”. Është kjo arsyeja, konfliktet dhe përjashtimet e thella sociale, që po i detyrojnë shqiptarët të rrezikojnë edhe jetën e tyre duke kaluar La Manshin me gomone dhe aspak propaganda e gënjeshtërt e Edi Ramës se shqiptarët po ikin sepse sipas tij kjo ju pëlqen”, thuhet në reagimin e Metës.

Reagimi i Metes

Një tjetër raport i besueshëm konfirmon të vërtetën e vetme, që shqiptarët po ikin sepse Edi Rama është autori dhe përgjegjësi kryesor i vrasjes së shpresës së tyre, armiku i lirive, i demokracisë dhe shtetit ligjor.

Të dhënat e publikuara së fundmi nga kompania Ep & Partners Consultancy (EPPC) pohojnë se 53% e fuqisë punëtore në vend është në kërkim për jetë më të mirë jashtë Shqipërisë dhe se 25% e tyre janë gati të ikin brenda vitit.

Shkak kryesor sipas vetë të anketuarve është keqqeverisja dhe vrasja e shpresës nga “Rilindja”. Është kjo arsyeja, konfliktet dhe përjashtimet e thella sociale, që po i detyrojnë shqiptarët të rrezikojnë edhe jetën e tyre duke kaluar La Manshin me gomone dhe aspak propaganda e gënjeshtërt e Edi Ramës se shqiptarët po ikin sepse sipas tij kjo ju pëlqen.

Ndaj nesër zëri i zemërimit mbarëpopullor do të buçasë në sheshet e Tiranës që Edi Rama ta dëgjojë qartë se ora e llogaridhënies për të po afron!