Ditën e sotme është shtyrë sërish seanca gjyqësore ndaj biznesmenit turk Faruk Ozer, i cili akuzohet se ka fituar 2 miliardë dollarë nga mashtrimi me kriptomonedha dhe rrezikon të dënohet me 40 mijë vite burg.
Bosi i kriptomonedhave, i cili është i akuzuar për mashtrim në vendin e tij e kundërshton ekstradimin dhe kjo ka bërë që të shtyhet sërish seanca.
Avokati i Ozer ka kërkuar përjashtimin e gjyqtarit të çështjes. Avokati ka bërë dy kërkesa që nuk janë pranuar nga gjykata dhe për këtë kërkon që të përjashtohet gjyqtarit.
Kujtojmë që Ozer u arrestua në Shqipëri në gusht të këtij viti pasi u arratis nga Turqia duke mashtruar dhjetëra mijëra turq, të cilët kishin investuar paratë e tyre në monedhën virtuale “Thodex”, e cila shpalli falimentin. Ozer u largua larguar nga Turqia me rreth 2 miliard dollarë në kriptomonedha duke humbur gjurmët për një kohë të gjatë.
Ai rezultoi se kishte hyrë në Shqipëri nga pika e kalimit kufitar të Rinasit më 20 prill të vitit të shkuar, ndërkohë që dolën dhe pamje filmike nga momenti kur ai u akomodua në një prej hoteleve të kryeqytetit, nga një shtetas shqiptar, i cili ka deklaruar se nuk ishte në dijeni të veprës penale që kishte kryer biznesmeni turk.
