Afro 100 persona ku 80 prej tyre janë gra, janë shoqëruar sot në ambientet e Komisariatit të Policisë Berat, pasi u kapën duke punuar në fermën e kanabisit, të zbuluar sot në fshatin Dronovicë.
Bëhet me dije se disa gra të shoqëruara janë ndjerë keq dhe brenda ambienteve të policisë ka mbërritur ambulanca për t’i shoqëruar në spitalin rajonal për të marrë ndihmë mjekësore dhe më pas janë rikthyer sërish për t’u marrë në pyetje.
Shumica e punojësve janë kapur duke paketuar dhe sistemuar lëndën narkotike. Të punësuarit ishin nga Berati, Lezha Dibra. Forcat e Policisë janë duke “krehur” zonën e Kutallisë për të rënë në gjurmët e organizatorëve të këtij aktiviteti kriminal.
Aksioni është duke vijuar, pasi nuk është arrestuar “koka” e këtij grupi kriminal. Deri më tani dyshohet se ‘koka’ e grupit’ është një person me influencë por emri i tij nuk bëhet i ditur. Operacion antidrogë u zhvilluar këtë të enjte në Berat, ku është zbuluar një fermë kanabisi në fshatin Dronovicë.
