Gjykata e Tiranës vendosi sot që të lerë në burg pa afat me qëllim ekstradimi Ilir Pajën, i arrestuar dy net më parë në Tiranë.
Ai njihet me nofkën “UFO” nga drejtësia italiane, pasi është arratisur 2 herë nga burgu. Tashmë e pret e treta e vërteta në qeli ku duhet të bëjë disa vite burg.
Mbrojtja ka pretenduar se Paja e ka përfunduar dënimin pasi është bërë bashkimi i dënimeve dhe në 2011, ish-krimet e rënda e kanë dënuar për krimet në Itali me 17 vite e tre muaj burg. Por gjykata e ka rrëzuar pretendimin.
Paja u arrestua dy net më parë për llogari të drejtësisë italiane në zonën e Laprakës në kryeqytet me qëllim ekstradimin në Itali ku është i dënuar me 25 vite burg.
