Kryeministri Edi Rama gjatë një takimi me fermerët në Lushnjë ka folur për pikat e grumbullimit dhe transparencën e çmimeve në treg.
Ai është shprehur se një hap i rëndësishëm për prodhuesit bujqësor është dhe transparenca e çmimit nga blerësit që të mos bëhet “luftë”.
“Tani duhet të krijojmë transparencën e çmimit. Prodhuesit që blejnë tek ju duhet ta dinë sa është çmimi dhe të kenë një transparencë dhe mos të bëhet luftë që të kujton atë shprehjen që njeriu është ujk për njeriu.
Duhet dhe të agro-përpunojmë. Zinxhiri i pikave të grumbullimit ka bashkuar totalisht PS-në me PD-në. Njerëzi këtu kanë kuptuar që politika është për mbas pune, nuk mund të futen mollët në sherrin politikë. Më vjen mirë që dhe këta të PD-së po ja marrin produktin e saj qeverisë dhe atyre të PS-së,” është shprehur Rama.
