Vrasësi i 38-vjeçarit Ardit Spahiu, i cili u vra në Molenbeek të Belgjikës në vitin 2020, është kapur në Dubai. Pritet që autoritetet në Bruksel të kërkojnë ekstradimin e tij dhe siç shkruajnë mediat.
Ngjarja e rëndë ndodhi më 27 Nëntor të vitit 2020, jashtë një kafeje. Autorët, të cilët ishin tre, u larguan, por një prej tyre është parë të rikthehet sërish dhe të qëllojë 7 herë të tjera mbi trupin e shtrirë përtokë të Spahiut.
Çështja menjëherë u lidh me një luftë mes dy grupeve kriminale shqiptare. Vjedhja e një sasie kokaine do të ishte shkaku i masakrës. Siç shkruajnë mediat belge, personat e interesuar për vrasjen e Spahiut kanë dashur që atij t’i shuhej e gjithë familja.
Deri më tani, identiteti i personit të arrestuar në Dubai nuk është bërë i ditur megjithatë siç shkruajnë mediat, ai është anëtar i grupit tjetër kundërshtar.
- Spahiu qëndronte në mënyrë të paligjshme në Belgjikë. Ai ishte nga qyteti i Elbasanit. Në vitin 2010 ai është akuzuar për vrasjen e një 52-vjeçari, anëtar i bandës kundërshtare. Spahiu është kunat i Erjon Alibej. Ky i fundit qëndron i arrestuar si organizator i dy vrasjeve në Elbasan.
