Një person raportohet se ka mbetur i plagosur pak minuta më parë në Tiranë, në zonën e njohur si “Oxhaku”. Ngjarja sapo ka ndodhur dhe nuk ka informacione të tjera, pasi dhe shërbimet e Policisë sapo kanë mbërritur.
Fillimisht u tha se shtetasi Ardian Ismailaj kishte mbetur i plagosur si pasojë e të shtënave me armë zjarri, por tashmë saktësohet se 40 vjeçari është qëlluar disa herë me thikë, pas një konflikti që ka pasur me një person tjetër.
I plagosuri është dërguar me urgjencë në Spitalin e Traumës dhe ndodhet jashtë rrezikut për jetën, ndërkohë që grupi hetimor po mbledh prova në vendngjarje dhe disa shërbime janë vënë në ndjekje të autorit. Identiteti i këtij të fundit nuk bëhet me dije.
Paraprakisht, raportohet se shkak i sherrit me thikë ka qenë një konflik banal.
Vijon…
