Një sherr është shënuar mesditën e sotme në ish-sheshin Pranveria në Durrës.
Bëhet me dije se sherri ka ndodhur mes dy të rinjve dhe më pas ka degraduar në përplasje fizike, ku ka mbetur i plagosur me thikë një i ri.
I riu ka marrë një plagë me thikë në shpatull, ndërsa dyshohet se sherri ka nisur për motive banale. Në vendngjarje vihet re prani e shtuar e policisë dhe ambulancës që po i ofron ndihmën e parë të plagosurit.
Autoritetet po punojnë për zbardhjen e ngjarjes, ndërsa policia ka arrestuar autorin e dyshuar. Alesjo Musai.
Njoftimi i policisë:
Plagosi me mjet prerës(thikë), një 16-vjeçar, gjatë një konflikti për motive të dobëta, kapet menjëherë nga shërbimet e Policisë dhe vihet në pranga autori i dyshuar.
Rreth orës 12:55, në lagjen nr. 11, Durrës, dyshohet se gjatë një konflikti për motive të dobëta, midis shtetasit A. M., 20 vjeç dhe një 16-vjeçari, në ambientet e jashtme të një lokali, shtetasi A. M. ka plagosur me mjet prerës (thikë), 16-vjeçarin, i cili ndodhet në spital, nën kujdesin e mjekëve.
Menjëherë, shërbimet e Policisë kanë mbërritur në vendngjarje dhe kanë shoqëruar në Komisariat, për veprime të mëtejshme, shtetasin A. M.
Vijon puna për dokumentimin e plotë të kësaj ngjarjeje
