Deputeti i Partisë Demokratike, Ervin Salianji, akuzoi qeverinë për ndarjen territoriale, duke thënë se kjo reformë është e njëanshme.
Salianji u shpreh se kjo reformë e propozuar nga maxhoranca rriti numrin e punonjësve të administratës dhe të patronazhistëve, duke zbrazur fshatrat nga emigrimi.
Sipas tij e vetmja arritje e qeverisë është se “kanë arritur që t’u marrin shpirtin shqiptarëve”.
Salianji: Reforma është bërë në mënyrë të njëanshme. Sot është dita që kryeministri duhet të ishte. Duhet të ishte për Halloëen sepse është gogoli që ka larguar 700 mijë shqiptarë duhet të ishte sot për të larguar shpirtrat e këqij. Nuk lufton fenomenet, por sulmon mediet. Për fluturime ka shpenzuar 22 milionë dollarë.
E vetmja arritje e qeverisë është që kanë arritur që t’u marrin shpirtin njerëzve. E keni përqendruar pushtetin në duart e disa njerëzve me rekorde kriminale,përdhunues, trafikantë droge. Si e keni bërë ju këtë ndarje? Kryetarin e Bashkisë së Korçës nuk e takojnë dot as deputetët socialistë.
Asnjë investime në fshatrat e Bashkisë së Korçës. Kur u vjen radha të marrin ndonjë shërbim fshatrat e Korçës kur janë të ndarë nga Bashkia, disa të nënës dhe disa të njerkës. Kush e ka bërë llogarinë këtu që do të fitojmë, nuk ka më hile që do t’u mbajë para votës së qytetarëve. Në të gjitha fshatrat janë zbrazur. Propozuat se kjo reformë do të ulë numrin e punonjësve dhe do të rrisë efiçencën, por e keni rritur numrin e punonjësv dhe të patronazhistëve.
