Kryetari i Partisë së Lirisë, Ilir Meta, mbrëmjen e sotme ka ritheksuar edhe njëherë marrëdhëniet e shkëqlyera që ka me Shtetet e Bashkuara të Amerikës.
Meta tha se për të “po është po dhe jo është jo” dhe nuk i ka zhgënjyer asnjëherë diplomatët e huaj.
“Ata e dinë që unë nuk i kam zhgënjyer kurrë. Tani për Ilir Metën po është po jo është jo, interesi kombëtar është dominant për Ilir Metën dhe Partisë Lirisë. Raportet kanë qenë të shkëlqyera. Asnjë politikan nuk ka pasur dhe nuk ka raporte më të qarta me SHBA”, teksa më tej u ndal dhe te marrëdhëniet me ambasadoren e SHBA-së, Yuri Kim, për të cilën tha se marrëdhëniet janë shumë bashkëpunuese dhe pozitive.
Gjithashtu, Meta u pyet dhe në lidhje me situatën brenda Partisë Demokatike dhe vendimin që më 3 nëntor pritet të marrë Gjykata mbi fatin e saj.
Sipas Metës nëse Gjykata vendos që PD ti kalojë pjesë tjetër, atëhere e gjithë Shqipëria do të qeshë me një vendim të tillë.
“E gjithë Shqipëria do të qeshë me një vendim të tillë sepse të gjithë shqiptarët i kanë sytë në ballë dhe e dinë se çfarë ka ndodhur në Partinë Demokratike. Ne jemi pa diskutim në një koalicion të hekur me Partinë Demokratike”, tha Meta.
