Shefi i OKB-së për marrëveshjen e eksportit të grurit të Ukrainës njoftoi sot se 12 anije me grurë do të dalin sot nga Ukriana.
Ai tha se kanë rënë dakord me Ukrainën dhe Turqinë për të lëvizur 12 anije sot.
“Sot 12 do të largohen nga portet e Ukrainës. Delegacionet e OKB-së dhe Turqisë ofrojnë dhjetë ekipe inspektimi për të inspektuar 40 anije që synojnë të përmbushin nismën e grurit të Detit të Zi. Ky plan inspektimi është pranuar nga delegacioni ukrainas. Delegacioni rus është informuar”, tha Oleksandr Kubrakov.
Mirëpo kujtojmë që Rusia pezulloi marrëveshjen për transportin “për një kohë të pacaktuar” sepse nuk mund të garantonte sigurinë e anijeve civile, pas sulmit ndaj flotës së saj në Detin e Zi.
Ekspertët kanë paralajmëruar se çmimet e drithërave do të rriten, ndërsa OKB, NATO e aleatë të tjerë perëndimor i kanë bërë thirrje Rusisë të rishikojë vendimin.
