Presidenti i Ukrainës, Volodymyr Zelensky e cilësoi vendimin e Rusisë për të pezulluar marrëveshjen e eksportit të grurit me Ukrainën si “të qëllimshme” në fjalimin e tij të shtunën.
“Ky nuk është vendimi që ata morën sot. Rusia filloi të përkeqësonte qëllimisht krizën ushqimore në shtator kur bllokuan lëvizjen e anijeve me ushqimin tonë.
Si mund të jetë Rusia në G20 teksa po punon qëllimisht për të siguruar urinë në disa kontinente. Është e pakuptimtë. Rusia nuk ka vend në G20.”, tha Zelensky.
Zelensky bëri thirrje për “një reagim të fortë ndërkombëtar” ndaj pezullimit të Rusisë nga marrëveshja e grurit, veçanërisht nga OKB-ja dhe G20.
