Kreu i Partisë së Lirisë Ilir Meta, ka mbërritur pak më parë në ambientet e Pallatit të Kongreseve, ku do të mbahet Konventa e Parë Kombëtare e kësaj force politike. Duke fokur për gazetarët, Meta tha se sot do të votohen strukturat drejtuese dhe statuti.
“Sot, do të votohen të gjithë në mënyrë të fshehtë. Do të kemi Komitetin Drejtues Kombëtar, kryetarin… Nuk shpikim dot kandidat dhe nuk bëjmë dot gara fiktive. Ky është tregues i besimit të simpatizantëve në drejtimin tim”, tha Ilir Meta.
Përmes kësaj deklarate, ai tregoi se nga gara që Partia e Lirisë hapi për kandidatët për kryetar, nuk doli asnjë emër tjetër sepse simpatizantët ia kanë besuar atij drejtimin.
“Është një ditë e rëndësishme, është Konventa e parë e Partisë së Lirisë. Do të prezantojmë programin politik, statutin dhe angazhimin tonë që Shqipëria t’i përkas të rinjve. Ky ëhstë problemi që ka vendi ynë sot. Shqetësim i çdo komuniteti e sipërmarrjes.
Sot, do të votohen të gjithë në mënyrë të fshehtë. Do të kemi Komitetin Drejtues Kombëtar, kryetarin… Nuk shpikim dot kandidat dhe nuk bëjmë dot gara fiktive. Ky është tregues i besimit të simpatizantëve në drejtimin tim.
Në këtë Konventë do fuqizohet shumë roli i të rinjve. Do jenë të përfaqësuar më shumë se 30% në organe drejtuese dhe në Këshilla bashkiakë do jenë 50% të rinj”, u shpreh Ilir Meta, kreu i Partisë së Lirisë.
