Përplasja me armë zjarri në Shkodër, në kërkim ish-zyrtari i lartë i PS

Vihet në pranga David Kiri, ndërsa vëllai i tij Adriani dhe shtetasi Kristian Fermosi janë shpallur në kërkim, pas përplasjes me armë që ndodhi të martën në mbrëmje në Shkodër. Dy vëllezërit Kiri, patën konflikt me shtetasin Kristian Fermosi, teksa ky i fundit qëlloi me armë në drejtim të tyre, por fatmirësisht nuk pati të lënduar nga plumbat.

Zbardhen detaje të reja nga ngjarja e një nate më parë në Shkodër, ku një automjet luksoz u qëllua me armë zjarri. Policia arrestoi pronarin e automjetit që u qëllua me armë, shtetasin David Kiri, ndërsa shpalli në kërkim vëllain e tij Ardianin dhe autorin e dyshuar të ngjarjes Kristian Fermosi.

Burime bëjnë me dije, se konflikti ka nisur mes Ardian Kirit dhe shtetasit Kristian Fermosi, ndërsa më pas ka mbërritur në vendngjarje vëllai i Adrianit, David Kiri. Ky i fundit ka tentuar ti bllokojë rrugën me automjet Kristian Fermosit, ndërsa ky i fundit ka qëlluar me armë zjarri, por dy vëllezërit Kiri kanë arritur tu shpëtojnë plumbave.

Për ngjarjen Policia arrestoi David Kirin, i cili është vënë në pranga për shkak të goditjes me makinë të Kristian Fermosit, ndërkohë ky i fundit dhe personi tjetër i përfshirë në konflikt, Ardian Kiri janë shpallur në kërkim.

Ardian Kiri njihet në Shkodër si eksponent i Partisë Socialiste dhe mik i ish-deputetit Tom Doshi. Ardian Kiri ka mbajtur postin e drejtorit të Aluizmit në Shkodër, pasi socialistët morën pushtetin në vitin 2013.

Por pak muaj më pas, ai u përfshi në një ngjarje të rëndë kriminale së bashku me dy shtetas të tjerë, i bën atentat babë e bir, por mbeti i vrarë një tjetër shtetas. Për atë ngjarje Kiri arriti të fitojë pafajësi në gjykatën e Apelit, duke u dënuar vetëm pesë vjet shërbim prove për armëmbajtje pa leje.