Papa Françesku në një seminar ka pralajmëruar seminaristët për pornografinë.
“Është një ves që ndiqet nga kaq shumë njerëz, kaq shumë laikë. Gjithashtu ndiqet edhe nga priftërinj dhe murgesha. Nga atje hyn djalli”, e nisi fjalën e tij Papa.
“Nuk po flas vetëm për pornografi kriminale si ajo e abuzimit të fëmijëve. Ky është një degjenerim. Po flas për pornografi normale. Të dashur vëllezër dhe motra, kujdes nga kjo”, shtoi ai.
Gjithashtu ai iu përgjigj edhe një seminaristi i cili e pyeti se si të sillej me botën dixhitale dhe mediat sociale.
“Unë mendoj se këto gjëra duhet të përdoren, sepse është një përparim shkencor, ato bëjnë një shërbim që të mund të përparojnë në jetë”, shtoi Papa.
Më pas ai shtoi se duhet pasur kujdes në përdorimin e tyre, në mënyrë që mos humbasën shumë kohë, por edhe të mos i përdorin si mjet për pornografi.
