Ka përfunduar takimi i kryetarit të Partisë së Lirisë Ilir Meta dhe ish-kryeministrit Sali Berisha.
Teksa la ambientet e selisë blu, Meta, në një deklaratë për mediat bëri me dije se në fokus të takimit kanë qenë zgjedhjet të cilat do të mbahen më 14 maj të vitit të ardhshëm.
Ish kreu i shtetit bëri me dije se në primaret të cilat do të nxjerrin kandidatët për Bashkitë do të marrë pjesë edhe Partia e Lirisë.
Më tej ai theksoi se gjatë bisedës me Berishën nuk është propozuar asnjë emër kandidat për Bashkinë pasi respektojnë primarët, mirëpo bëri me dije se ish kryeministrit i propozoi një ëmër për kryetarin e Këshillit Bashkiak të Tiranës, emër i i cili sipas kreut të PL u prit mjaft mirë nga Berisha.
“Jemi në një sinomi të plotë. Kryetari i ardhshëm i bashkisë së opozitës së vërtetë që do të triumfojë dhe anëtari Këshillit Bashkiak i do të bëjnë një spektakël të jashtëzakonshëm në pak muaj. PL respekton primaret është një risi e jashtzakonshme. Kemi kërkuar që sa më shpejt të realizohet ky proces kudo ku ne kemi kandidatë të cilët premtojnë për komunitetin e tyre do ti përfshijmë në priamret e përbashkëta me PD dhe parti të tjera të opozitës.
Nuk kam patur asnjë diskutim për emrin që do të jetë në Tiranë, edhe kudo tjetër për arsye sepse ky është një proces që i takon primareve dhe do të respektojmë çdo emër që del nga priamret. Por, i kam propozuar një emër për kryetar të Parlamentit të Tiranës emër të cilin e priti shumë mirë.
Çdo ditë të hënë do të ketë këshill bashkiak të Tiranës për të dëgjuar qytetarët. Nënë Liza nuk do të rrijë më në rrugë por do të flasi aty në Parlamentin e Tiranës”, tha Meta.
