I shumëkërkuari Ibrahim Lici është arrestuar në Turqi, i akuzuar për vrasjen e Endri Mustafës në zonën e Livadheve në maj të 2021.
Arrestimi i tij nga autoritetet turke mësohet se është bërë me 19 tetor 2022. Bëhet me dije se ai kishte hyrë në shtetin turk më 24 korrik të vitit 2021.
Ibrahim Lici është një person i njohur për Policinë, pasi emri i tij lidhet me ngjarje të bujshme të ndodhura në qytetin e Shkodrës.
Para se të ekzekutohej Endri Mustafa dhe Policia të akuzonte Licin për këtë ngjarje, ky i fundit ishte prej kohësh në kërkim për vrasjen e dy vëllezërve Ibrahim dhe Astrit Bilali në Shkodër më 30 mars 2019.
